![\"\"](\"https://www.aravot.am/2011/aravot_arm/August/3/p10.jpg\")
ՖԻԴԵ-ն իր պաշտոնական կայքում հրապարակել է օգոստոսի 26-ից սեպտեմբերի 21-ը Խանտի-Մանսիյսկում կայանալիք աշխարհի գավաթի խաղարկության առաջին շրջանում կազմած զույգերի նորացված տարբերակը:
Հայաստանի մարզական դրոշի պատիվը Յուգրայում պաշտպանելու են երեք գրոսմայստերներ՝ օրերս աշխարհի թիմային չեմպիոնի տիտղոսը նվաճած Սերգեյ Մովսիսյանն ու Վլադիմիր Հակոբյանը, ինչպես նաեւ գրոսմայստեր Արման Փաշիկյանը: Վիճակահանությամբ մեկնարկային տուրում Սերգեյ Մովսիսյանը սպիտակներով խաղալու է կանանց 2010 թվականի աշխարհի չեմպիոն Հու Յիֆանի (Չինաստան), Վլադիմիր Հակոբյանը՝ Նինբոյում Հնդկաստանի թիմի առանցքային խաղացող Փարիմարջան Նեգիի հետ, իսկ Արման Փաշիկյանի մրցակիցը լինելու է լեհ Ռադոսլավ Վոյտաշեկը:
