Վարշավայում ընթացող ըմբշամարտի կադետների առաջնությունում ազատ ոճայիններն ավարտեցին պայքարը: Այս ոճում Հայաստանը ներկայացնում էին տասը ըմբիշներ: Սակայն նրանցից եւ ոչ մեկը երկու օր տեւած պայքարում չհավակնեց որեւէ մեդալի: Լավագույն ցուցանիշն ունեցավ 46 կգ քաշային կարգը ներկայացնող Գոռ Թորոսյանը, որը բավարարվեց ընդամենը 5-րդ տեղով:
Այսօր Լեհաստանի մրցագորգը տրամադրվում է հունահռոմեական ոճայիններին, որտեղ մեր երկրից պայքարի մեջ մտնելու է ինն ըմբիշ: Հույս կա, որ նրանք կլրացնեն ազատ ոճայիններից հետո մնացած վակուումը: