Աշխարհի նախկին չեմպիոն Վլադիմիր Կրամնիկը «ՌԻԱ Նովոստիի» հետ զրույցում դժվարացել է ասել, թե ինչն է Հայաստանի հավաքականի՝ աշխարհի չեմպիոն դառնալու պատճառը: «Հայաստանը հիանալի թիմ ունի, սակայն մեր խաղացողները ուժեղ են նրանցից։ Սակայն նրանց մոտ ինչ-որ կերպ ստացվում է հենց թիմային մակարդակով ցուցադրել այդպիսի արդյունքներ։ Կարելի է, իհարկե, խոսել այնպիսի սովորական բաներից, ինչպիսիք են թիմային ոգին, սակայն մյուս կողմից, նրանք ոչ բոլոր մրցաշարերում են հաղթում, եւ ինձ դժվար է բացատրել, թե ինչն է նրանց գաղտնիքը»:
Շախմատիստը ենթադրել է, որ պատճառը կարող է լինել այն, որ նրանք նպատակասլաց պատրաստվում են թիմային մրցաշարերին: «Հայերը շատ երկար պատրաստվում էին հենց այս աշխարհի առաջնությանը, բոլորը միասին մասնակցել են հավաքին։ Մեր խաղացողները ավելի խիտ օրակարգ ունեն, նրանք հավաք են անցկացրել ընդամենը մեկ շաբաթ, ավելին արդեն հնարավոր չէր։ Կարող է արդյունքը հենց դրա հետ է կապված»,- ըստ tert.am-ի, ասել է Կրամնիկը:
