Վերին Արտաշատ գյուղում գտնվող Սուրբ Աստվածածին եկեղեցու հոգեւոր հովվից ոստիկանությունում հաղորդում է ստացվել, որ գողացել են եկեղեցու գանձանակը:
Երեկ ՀՀ ոստիկանության տեղեկատվության վարչությունից հայտնեցին, որ օգոստոսի 16-ին, ժամը 05.00-ին, հիշյալ գողությունը կատարելու կասկածանքով Մխչյան գյուղից բերման է ենթարկվել Այնթապ գյուղի բնակիչ, նախկինում դատված՝ 35-ամյա Ստեփան Ն.-ն: Անձնական խուզարկությամբ նրա մոտ հայտնաբերվել են ռետինե ձեռնոցներ:
Պարզվել է, որ Ստեփանը Սուրբ Աստվածածին եկեղեցուց գողացել է գանձանակը, տեղափոխել նույն գյուղի զբոսայգի, բացել ու գողացել մոտ 10.000 դրամ գումար:
Ստեփան Ն.-ն ձերբակալված է:
