Համաշխարհային բանկը առաջիկա տարիներին եւս $55 միլիոնով կավելացնի Հայաստանի ֆինանսավորումը: Այս մասին վարչապետ Տիգրան Սարգսյանին նամակով տեղեկացրել է ՀԲ տարածաշրջանային տնօրեն Հասադ Ալամը: «Սա առաջին հերթին պայմանավորված է մեր վարկային պորտֆելի որակով, կառավարման բարձր մակարդակով»,- երեկ կռավարության նիստի ժամանակ ասաց պարոն Սարգսյանը: Նրա խոսքով, Հայաստանի համար ՀԲ նախատեսած վարկային պորտֆելը հասնում է մոտ $305 միլիոնի: Նա նախարարներին հանձնարարեց մինչեւ սեպտեմբերի մեկը մշակել միջոցների ծախսման ժամանակացույց:
