«Ես ունեի հին, էժան պայմանագրեր, որոնք վերջացել են: Այս շաքարավազը եկել է նոր պայմանագրով, նոր գներով: Այ, դա է պատճառը, որ թանկացել է»,- շաքարավազի վերջին օրերի թանկացման մասին news.am-ին ասել է ԱԺ պատգամավոր Սամվել Ալեքսանյանը, ում պատկանող ընկերությունները մենատեր են շաքարավազի ներմուծման ոլորտում: Ըստ պատգամավորի, Հայաստանում շաքարավազի գների թանկացումը պայմանավորված է միջազգային գներով:
Նշենք, որ շաքարավազի գինը թանկացել է 20-ից 25 %-ով՝ 350 դրամից դառնալով 430-450 դրամ: Այս գինն առնվազն 3-4 ամիս կպահպանվի, համենայնդեպս՝ այդպես է վստահեցրել Ս. Ալեքսանյանը. «27 հազար տոննայանոց նավ է եկել, մեզ մոտ 4 ամիս դա բավարար է, բայց հայտնի չէ, թե ինչ գին կլինի 4 ամիս հետո: Միգուցե ավելի էժան լինի, միգուցե՝ ավելի թանկ»: