«Մենք կառուցելու ենք ժամանակակից մաքսային կետեր, կարելի է ասել՝ համալիրներ, որոնք ներառելու են պետության կողմից տրամադրվող բոլոր ծառայությունները»,- երեկ կառավարության նիստի ժամանակ ասել է ՀՀ վարչապետ Տիգրան Սարգսյանը։ Հայ-վրացական պետական սահմանի՝ Բագրատաշենի, Գոգավան-Պրիվոլնոյեի եւ Բավրայի անցման կետերի շինարարական աշխատանքների իրականացման համար ստեղծվել է մրցութային հանձնաժողով եւ հաստատվել դրա՝ մի շարք նախարարությունների ներկայացուցիչներից բաղկացած կազմը։ Ըստ կառավարության հաղորդագրության, Տ. Սարգսյանը հանձնարարել է հնարավորինս կարճ ժամկետում պատրաստել մրցույթի անցկացման կանոնակարգը եւ տեխնիկական առաջադրանքը, որպեսզի շինարարական աշխատանքներն սկսվեն Բագրատաշենում, Գոգավանում եւ Բավրայում։
