Տավուշի մարզի ընդհանուր իրավասության դատարանի Դիլիջանի նստավայրում, դատավոր Արշակ Շահոյանի նախագահությամբ, քննվում է «Իջեւանի ՃՇՇ» ընկերության հայցն ընդդեմ «Իջեւան ստուդիա» ընկերության եւ այդ հեռուստաընկերության լրագրող Նաիրա Խաչիկյանի:
«Իջեւանի ՃՇՇ» ընկերությունը պահանջում է պարտավորեցնել Նաիրա Խաչիկյանին եւ «Իջեւան ստուդիա» ընկերությանը հրապարակորեն ներողություն խնդրել եւ հօգուտ «Իջեւան ՃՇՇ» ընկերության՝ Նաիրա Խաչիկյանից եւ «Իջեւան ստուդիա» ընկերությունից բռնագանձել երեք միլիոն դրամ՝ որպես փոխհատուցում, եւս երկու հարյուր վաթսունչորս հազար դրամ՝ որպես դատական ծախս:
Հայցվորը պնդում է, որ «Իջեւան ստուդիան» այլ հեռուստաընկերությունների եթերներով տարածել է տեսանյութեր, որոնց մեջ տեղ են գտել «Իջեւանի ՃՇՇ-ի» գործարար համբավը արատավորող արտահայտություններ:
Այս գործով դատական նիստը նշանակված է սեպտեմբերի 14-ին:
