Երեկ կառավարությունը հերթական նիստում որոշեց հուլիսին Նինբոյում (Չինաստան) անցկացված շախմատի աշխարհի թիմային առաջնությունում չեմպիոնի կոչումը նվաճած Հայաստանի տղամարդկանց ազգային հավաքականի բոլոր անդամներին՝ գրոսմայստերներ Լեւոն Արոնյանին, Սերգեյ Մովսիսյանին, Վլադիմիր Հակոբյանին, Գաբրիել Սարգսյանին, Ռոբերտ Հովհաննիսյանին եւ մեր ընտրանու մարզիչ Արշակ Պետրոսյանին, պարգեւատրել 7,5-ական միլիոն դրամով: Այդ նպատակով կառավարությունը որոշեց երրորդ եռամսյակում իր պահուստային ֆոնդից 45 միլիոն դրամ հատկացնել ՀՀ սպորտի եւ երիտասարդության հարցերի նախարարությանը՝ գումարը «Հայաստանի շախմատային ֆեդերացիա» հասարակական կազմակերպությանը փոխանցելու նպատակով:
