Մայրաքաղաքի դպրոցները կաշխատեն հնգօրյա ռեժիմով, իսկ դասերը կսկսվեն առավոտյան 8:30-ին: Այս մասին երեկ կայացած մամուլի ասուլիսում ասել է Երեւանի քաղաքապետարանի հանրակրթության վարչության պետ Գայանե Սողոմոնյանը: Նա տեղեկացրել է, որ մայրաքաղաքի մանկապարտեզներում երեխաների ընդունումը կսկսվի 8:30-ին եւ կարող է տեւել մինչեւ 10:30-ը՝ նախադպրոցական հաստատության ղեկավարությանը նախապես տեղեկացնելու դեպքում, իսկ բուհերում դասերը կսկսվեն 9:30-ին:
Հանրակրթության վարչության պետի խոսքերով, ժամային փոփոխությունները Երեւան քաղաքում տրանսպորտի բեռնաթափման նպատակ են հետապնդում:
