![\"\"](\"https://www.aravot.am/2011/aravot_arm/August/27/p6.jpg\")
Լույս է տեսել «100% Դիլիջան» թերթի երկրորդ համարը: «Ա-4» ձեւաչափի 12 էջանոց թերթը տպագրվում է Վանաձորում՝ 99 տպաքանակով: Թերթը հրատարկում է «Արդար Հայաստան» հ/կ Դիլիջանի մասնաճյուղը, խմբագիրն էլ մասնաճյուղի հանրային կապերի պատասխանատու Վաչե Գրիգորյանն է: Թերթի նյութերը վերաբերում են Դիլիջան քաղաքին, թեեւ՝ ոչ 100 տոկոսով: Ինչպես տեղական թերթերի մեծ մասում, այստեղ էլ քննադատական բնույթի նյութերը սակավ են: Համայնքային թերթերը, հազվագյուտ բացառությամբ, ամենաուշը մեկ տարուց փակվում են, քանզի այդպես էլ չեն գտնում վճարունակ ընթերցողին:
