Իռլանդիայի մայրաքաղաքում ընթացող բռնցքամարտի Եվրոպայի երիտասարդական առաջնությունում Հայաստանի հավաքականն ապահովեց առնվազն երկու բրոնզե մեդալ:
49 կգ քաշային կարգում Կորյուն Սողոմոնյանը քառորդ եզրափակչում դժվարին պայքարում մեկ միավորի առավելությամբ (15:14) պարտության մատնելով ռինգի տերերից Էվին Մետկաֆլեին՝ մտավ կիսաեզրափակիչ ու իր եւ թիմի համար ապահովեց առնվազն բրոնզե մեդալ: Նույնպիսի հաջողության հասավ նաեւ Գոռ Երիցյանը (60 կգ քաշային կարգ), որը միավորների 17:10 տարբերությամբ վստահորեն հաղթեց անգլիացի Հենրի Թոմասին:
