![\"\"](\"https://www.aravot.am/2011/aravot_arm/August/30/p4.jpg\")
Ռուսաստանի ջավախքյան սփյուռքը պահանջում է Վրաստանի իշխանություններից «դադարեցնել սադրանքներն ու քիթը չխոթել իրեն չվերաբերող գործերի մեջ»: Ըստ կառույցի երեկ տարածած հայտարարության, վրացական եւ ադրբեջանական լրատվամիջոցները տարածել են Վրաստանի սփյուռքի հարցերով պետնախարար Միրզա Դավիթայայի (նկարում) հայտարարությունը, թե՝ «Վրաստանը միանշանակ աջակցում է Ադրբեջանի տարածքային ամբողջականությանը եւ Ադրբեջանի օկուպացված տարածքների ազատագրման կողմնակիցն է»: Ռուսաստանի ջավախքյան սփյուռքը կարծում է, որ Վրաստանի պաշտոնատար անձանց նման հայտարարությունները սրում են առանց այն էլ լարված իրավիճակը հարավկովկասյան տարածաշրջանում:
