Հայաստանի մարզերը, հատկապես՝ հարավային տարածաշրջանները, վերջին տարիներին աստիճանաբար շախմատային կենտրոնների համբավ են ձեռք բերում:
Մասնավորապես, այս օրերին Քաջարանում ընթանում է շախմատի հանրապետության առաջին խմբի 72-րդ առաջնությունը, որը լուսաբանման տեսանկյունով մի տեսակ «ստվերվել» է նույն ժամանակահատվածում Խանտի-Մանսիյսկում մեկնարկած Աշխարհի գավաթի խաղարկության ֆոնի վրա: Սակայն, եթե Յուգրայում մցում են աշխարհի ներկայիս շախմատային արդեն կայացած հսկաները, որոնք ապացուցել են իրենց ով լինելը, հեռավոր Քաջարանում, հնարավոր է, ծնվում են նոր հայ ապագա աստղեր:
«Armchess.am»-ը տեղեկացնում է, որ Հայաստանի արդյունաբերական կենտրոն Քաջարանում ընթացող հայկական շախմատի՝ նշանակությամբ երկրորդ այս մրցաշարում 11-րդ տուրից հետո մրցաշարային աղյուսակը 7,0-ական միավորով գլխավորում են չորս շախմատիստներ՝ առայժմ ճանաչում չունեցող միջազգային վարպետներ Հովիկ Հայրապետյանը, Կարեն Հ. Գրիգորյանը եւ գրոսմայստերներ Արթուր Չիբուխչյանն ու Գեւորգ Հարությունյանը:
