NEW
Խաղաղարար նախաձեռնությունների կովկասյան կենտրոնի (ղեկավար Գեորգի Վանյան) նախաձեռնությամբ, Սեպտեմբերի 28-ին Հայաստանում մարդու իրավունքների հարավկովկասյան դատարանը Երեւանի թատրոնի եւ կինոյի ինստիտուտի կինոդահլիճում «Ո՞ւմ է վնասում տեղեկատվական պատերազմի հովանու ներքո տարվող բռնության եւ ռասիզմի քարոզը» թեմայով քննարկում էր կազմակերպել: Քննարկման զեկուցողներից մեկն էլ «Տեսանկյուն» թերթի խմբագիր, Տավուշի մարզում «Առավոտի» թղթակից Ոսկան Սարգսյանն էր:
Սկզբում ցուցադրվեցին համացանցից վերցված «Սանկտ-Պետերբուրգի հայ ուսանողների միավորում» հ/կ պատրաստած «Հայ ֆիդայինները եւ ազերները» տեսանյութի երկու հատվածներ, նաեւ «Կիլլդիմ» մուլտֆիլմի մի սերիա:
Այդ տեսանյութերը համացանցում շատ դիտողներ են եղել, հատկապես` պատանիներ: Տեսանյութերում Ադրբեջանը ներկայացված է «Ադրգեյջան»՝ սեռական փոքրամասնության երկիր: Ցուցադրվում է , թե ինչպես գերի ընկած ադրբեջանցին կյանքը փրկելու համար լիզում է հայ սպայի թեւքը եւ այլն:
Ներկաները ընդհանուր առմամբ դեմ էին այլատյացության եւ բռնության քարոզչությանը, բայց միաժամանակ նկատեցին, որ նման տեսանյութերը Ադրբեջանի կողմից հակահայ քարոզչության պատասխանն են:
Վերջում կայացավ քվեարկություն: 3 հոգի կողմ արտահայտվեցին բռնության եւ ռասիզմի քարոզչությանը,26-ը` դեմ:
