Երեւանի Շենգավիթ վարչական շրջանի ընդհանուր իրավասության դատարանի դատավոր Արա Կուբանյանի վարույթում է գտնվում «Արարատ» ֆուտբոլային ակումբի նախագահ Արկադի Անդրեասյանի հայցադիմումը:
Նա դիմել է դատարան՝ թոշակառու, նախկինում մանկավարժ Ռոզա Մանասյանին բնակարանից վտարելու պահանջով:
Արկադի Անդրեասյանը պնդում է, որ անցյալ տարվա ապրիլի 10-ին նոտարական կարգով կնքված անշարժ գույքի առուվաճառքի պայմանագրով 10 միլիոն դրամով ոմն Ժորա Գալստյանից գնել է 43.33 քմ մակերեսով Արշակունյաց 44/3 շենքի բնակարաններից մեկը: Նշված բնակարանի տերը մանկավարժ Ռոզա Մանասյանն է, որը տեղյակ չի եղել իր բնակարանի առուվաճառքից: Վերջինն անգամ դիմել էր ոստիկանություն՝ քրեական գործ հարուցելու երբեմնի հայտնի ֆուտբոլիստի դեմ:
Կարդացեք նաև
