ՀԽՍՀ վաստակավոր արտիստ, Հայաստանի ֆիլհարմոնիկ նվագախմբի կլարնետահարների խմբի կոնցերտմայստեր, կլարնետի հայկական դպրոցի հիմնադիր, 88-ամյա Մկրտիչ Թուլակյանը մի շաբաթ է, ինչ վերադարձել է ԱՄՆ-ից, ուր մեկնել էր բուժման նպատակով: Մեծ է եղել նրա զարմանքը, երբ տեղեկացել է, որ իրեն դատի են տալիս գազի, որը կազմել է 240 000 դրամ եւ՝ հեռախոսի՝ 93 000 դրամ պարտքերի համար: Թուլակյանն անցյալ տարվա դեկտեմբերին բացակայել է հանրապետությունից, մինչդեռ նրա գազն ու տան հեռախոսը «շահագործվել» է: Մեզ հետ զրույցի ժամանակ Մկրտիչ Թուլակյանն ասաց, որ մտադիր է այս կապակցությամբ դիմել դատարան: Նրա շահերը կներկայացնի իրավաբան Սուսաննա Սարգսյանը:
Ռուզան ՄԻՆԱՍՅԱՆ
