Երեկ «Մի խումբ կալանավորների հարազատներ» ստորագրություններով ստացել ենք հետեւյալ բովանդակությամբ նամակ-ահազանգը. «Հարգելի «Օրենքով գողեր», խնդրում ենք թույլ չտալ Ձեր կողմից ընտրած «զոնն նայողներին» ամիսը երկու անգամ գումար հավաքել բոլոր կալանավորներից՝ «պալաժենու համար է» անվան տակ: Մենք էլ ի վիճակի չենք մեր հարազատներին այդքան գումար ուղարկել: Մի՞թե բավական չէ «ղումարի փողերի» գումարները:
Աշխարհի 80 տոկոսը զբաղվում է մոլախաղով: Մենք դեմ չենք այդ մոլախաղին, բայց որ ստիպողաբար բոլոր կալանավորներին ամիսը երկու անգամ ցուցակագրում են, թե ով ինչքան գումար պետք է «մուծվի», դա արդեն անմարդկային է: Մենք, ինչպես եւ կալանավայրերի ադմինիստրացիան գիտի այդ մասին: Սակայն ադմինիստրացիան լռում է, որովհետեւ օգտվում է նշված գումարներից»:
