Արագածոտնի մարզի ընդհանուր իրավասության դատարան էր դիմել մահապարտ-ազատամարտիկ Գեղամ Սմբատյանը: Նա տեղեկացրել էր, որ 1989թ.-ից ակտիվորեն մասնակցել է ՀՀ սահմանների պաշտպանությանը; Վերադառնալով տուն՝ հարազատները հայտնել են, որ ՀՀ գազային արդյունաբերության արտադրական միավորումը /ՀայԳազարդ/ պատրաստվում է վաճառել իրեն պատկանող պանրի գործարանը:
1992թ. ապրիլի 15-ին նշված արտադրական միավորման/տնօրեն՝ Ռ.Ադոնց/ եւ Գ. Սմբատյանի միջեւ կնքվում է պայմանագիր, որի համաձայն Սմբատյանին 85 000 ռուբլով վաճառվում է նշյալ գործարանը:
Գ.Սմբատյանը մեկնում է ԼՂ՝ ռազմաճակատ: Վերադառնալով գյուղ՝ գյուղապետից տեղեկանում է, որ իր գնած գույքը հանձնվել է գյուղապետարանին: Այս տարվա հուլիսին մարզի ընդհանուր իրավասության դատարանի վճռով գույքը հանձնվում է Սմբատյանին, իսկ համայնքապետարանին պարտավորեցվում է,չկատարել այնպիսի գործողություններ, որոնք «նպատակաուղղված են նշված վեճի առարկա շինությունները քանդելուն, վեճի առարկա հողատարածքների նպատակային նշանակությունը փոփոխելուն»:
Համայնքապետարանը դիմում է ՀՀ վերաքննիչ դատարան, որի անդրանիկ նիստը նշանակվել է հոկտեմբերի 28-ին:
Կարդացեք նաև
Նշենք, որ համայնքապետը «Բարգավաճ Հայաստան» կուսակցության անդամ, ֆիզկուլտուրայի ինստիտուտի ռեկտոր Վահրամ Առաքելյանի եղբայրն է:
ՌՈՒԶԱՆ ՄԻՆԱՍՅԱՆ
