Ինչպես Aravot.am-ին հայտնում է ֆոտոլրագրող Գագիկ Շամշյանը, ՀՀ ոստիկանապետ Վլադիմիր Գասպարյանի հրամանով, ոստիկանության փոխգնդապետ Արմեն Աթանյանը ազատվել է Ճանապարհային ոստիկանության Կապանի հաշվառման քննական բաժանմունքի պետի պաշտոնից և ուղարկվել կադրերի տրամադրության տակ:
ՀՀ ոստիկանապետի մեկ այլ հրամանով, Պողոս Մարգարյանը նշանակվել է Ճանապարհային ոստիկանության Կապանի հաշվառման քննական բաժանմունքի պետ` ազատվելով ՃՈ Աշտարակի հաշվառման քննական բաժանմունքի պետի պաշտոնից:
Վլադիմիր Գասպարյանի մեկ այլ հրամանով, ոստիկանության փոխգնդապետ Աբրահամ Աբրահամյանն ազատվել է ոստիկանության Զվարթնոցի բաժնի քրեական հետախուզության բաժանմունքի պետի պաշտոնից ու նշանակվել նույն բաժնի պետի օպերգծով տեղակալ:
Ոստիկանության գնդապետ Արմեն Անտոնյանը ՀՀ ոստիկանապետի հրամանով նշանակվել է ոստիկանության պետական «Պահպանություն» վարչության պետի ծառայության գծով տեղակալ:
Կարդացեք նաև
Գագիկ Դալլաքյանը Վլադիմիր Գասպարյանի մեկ այլ հրամանով ազատվել է ոստիկանության Տավուշի մարզային վարչության քրեական հետախուզության բաժնի պետի պաշտոնից:
Ոստիկանության գնդապետ Գևորգ Մաթևոսյանը ՀՀ ոստիկանապետի հրամանով ազատվել է ոստիկանության քննչական գլխավոր վարչության պետի` կադրերի և անձնակազմի գծով տեղակալի պաշտոնից:
ՀՀ ոստիկանապետ Վլադիմիր Գասպարյանի մեկ այլ հրամանով, ոստիկանության փոխգնդապետ Արա Շահնազարյանը ազատվել է Ճանապարհային ոտիկանության Սևանի հաշվառման քննական բաժանմունքի պետի պաշտոնից: Ոստիկանապետի մեկ այլ հրամանով, այդ պաշտոնում նշանակվել է ոստիկանության փոխգնդապետ Վահագն Իսահակյանը:
ՀՀ ոստիկանապետի հրամանով, Ռաֆայել Զաքարյանը նշանակվել է ՀՀ ոստիկանության կազմակերպված հանցավորության դեմ պայքարի գլխավոր (6-րդ) վարչության պետի տեղակալ և նրան ՀՀ ոստիկանապետի հրամանով շնորհվել է ոստիկանության գնդապետի կոչում:
Ֆոտոլրագրող Գագիկ Շամշյանին հայտնի է դարձել, որ Ռ.Զաքարյանը մինչ այդ աշխատել է Ազգային անվտանգության ծառայությունում:
