Երեկ՝ դեկտեմբերի 11-ին, ավտովթար է տեղի ունեցել Երևանում: Ինչպես դեպքի վայրից հայտնում է ֆոտոլրագրող Գագիկ Շամշյանը Aravot.am-ին, ժամը 22.00-ի սահմաններում Երևանի Մյասնիկյան պողոտայի թիվ 185 էլեկտրասյան մոտ իրար են բախվել 1963 թ-ին ծնված Լևոն Քամալյանի վարած «Prado» մակնիշի 72 օօ 777 համարանիշի ավտոմեքենան և 1953 թ-ին ծնված Մամիկոն Մինասյանի վարած «Nissan Xterra» XLX-001 վրացական համարանիշի մեքենան, որի հետևանքով Մամիկոն Մինասյանը մարմնական վնասվածքներով տեղափոխվել է Երևանի Գրիգոր Լուսավորիչ բժշկական կենտրոն:
Դեպքի վայրում քննչական աշխատանքները ղեկավարել է ոստիկանության քննչական գլխավոր վարչության ճանապարհատրանսպորտային հանցագործությունների քննության բաժնի քննիչ Արթուր Գասոյանը: Նրա հանձնարարականով երկու ավտոմեքենաներն էլ տեղափոխվել են Երևանի ՃՈ տուգանային հրապարակ:
Դեպքի վայրում հավաքվածները ֆոտոլրագրող Գագիկ Շամշյանին պատմել են, որ վթարի հիմնական մեղավորը «Prado» մակնիշի ավտոմեքենան է եղել, որը դուրս է եկել հանդիպակած ուղեմաս և բախվել «Nissan» մակնիշի ավտոմեքենային:
Կարդացեք նաև
Լուսանկարները՝ Գագիկ Շամշյանի
