ԱԺ ՀՀԿ պատգամավոր Մանվել Բադեյանն ու ՀԱԿ ներկայացուցիչ, ԿԲ նախկին նախագահ Բագրատ Ասատրյանն այսօր «Հայելի» ակումբում բանավիճեցին ընտրությունների, ընտրակաշառք բաժանելու, քաղաքական, տնտեսական ճգնաժամի եւ այլ հարցերի շուրջ:
Պարոն Ասատրյանն իր վրդովվմունքը հայտնեց Րաֆֆի Հովհաննիսյանի առաջարկների նկատմամբ ՀՀ նախագահի կոպիտ պատասխանի վերաբերյալ: Մ. Բադեյանը ինչպես այս, այնպես էլ լրագրողների մի շարք հարցերից տեղյակ չէր եւ զարմացած հարցնում էր՝ «Ի՞նչ առաջարկներ, չգիտեմ»:
Տիգրան Սարգսյանի այն պատասխանին, թե մեր երկրում քաղաքական ճգնաժամ չկա, որ Կառավարութունը հրաժարական տա, Բագրատ Ասատրյանը չհամաձայնեց. «Ակնհայտ է, որ Հայաստանում այսօր քաղաքական ճգնաժամ է: Նախագահը, այս կամ այն ուժը եկել են կոնկրետ ծրագրով: Դրեք, թվերը համեմատե’ք, ճիշտ հակառակն է՝ մեզ խոստացել են, որ այս 5 տարիների ընթացքում լավ պիտի ապրեինք, 3-4 տարիների ընթացքում ծայրահեղ աղքատների թիվը կրկնապատկվել է: 2008 թվականից ավելի վատ վիճակում ենք գտնվում: Իհարկե, ճգնաժամը առկա է, եւ եթե հրաժարականի պահանջ էր դրվում, հանուն մեր երկրի էր՝ նաեւ այն մարդկանց համար, որոնք իշխանության մեջ են: Պարոն Բադեյանին ընդունում եմ, հարգանքով եմ վերաբերվում, բայց այն կեցվածքը, որ ինքն ընդունում է, շապիկը, որ հագել է, իմ սրտով չի, որովհետեւ Հանրապետական կուսակցությունը տապալել է եւ պետք է ուղղակի հարթակից դուրս գա, ուրիշ ուժեր պետք է գան: Կա՛մ պետք է զարգանանք, կա՛մ պետք է դոփենք տեղում: Այս ուժն ասում է` դոփենք»:
Պարոն Բադեյանը հակադարձեց եւ սկսեց համեմատել այն ժամանակաշրջանը, երբ Բ. Ասատրյանն էր իշխանության: «Ցույց տվեք մի երկիր, որի ցուցանիշներն ավելի լավն են, քան նախաճգնաժամային շրջանում»: Բ. Ասատրյանը նշեց, որ օրինակները բազմաթիվ են՝ օրինակ Վրաստան, Ադրբեջան եւ անվիճելի է, թե համաշխարհային տնտեսության ծավալները նախաճգնաժամայինից ավելի բարձր են:
Կարդացեք նաև
Լուսինե ԽԱՉԱՏՐՅԱՆ
