Երեկ՝ դեկտեմբերի 11-ի կեսօրին, Գեղարքունիքի մարզում ճանապարհային ոստիկանության աշխատակիցները վարչական ակտ են գրել մի երիտասարդի նկատմամբ:
Ինչպես aravot.am-ին հայտնում է ֆոտոլրագրող Գագիկ Շամշյանը, նշված երիտասարդը, «Պորշ Կայեն» մակնիշի 47 UP 777 համարանիշի ավտոմքենայով խախտելով երթևեկության կանոնները՝ մեքենան վարելով մեծ արագությամբ և անօրինական վազանցներ կատարելով, հայտնվեց ճանապարհային ոստիկանության 2-րդ սպայական գումարտակի Գեղարքունիքի մարզի ճանապարհային ոստիկանության աշխատակիցների տեսադաշտում:
Երբ ճանապարհային ոստիկանները Սևանի այսպես ասած «ճանապարհային ոստիկանության շարժական կայանում (Սևանի գայի պոստ) կանգնեցրեցին նրան», պարզվեց, որ նրա ավտոմեքենայի դիմապակուց բացակայում են տեխզննման և ԱՊՊԱ կտրոնները:
Նա փորձում էր ճանապարհային ոստիկանության աշխատակիցներին համոզել, որպեսզի հայավարի լուծվեն հարցերը, ինչը նրան չհաջողվեց:
Կարդացեք նաև
Ֆոտոլրագրող Գագիկ Շամշյանը հայտնում է, որ իրեն հայտնի է դարձել, որ երիտասարդը Գեղարքունիքի մարզի Երանոս գյուղի բնակիչ 27-ամյա Գևորգ Շահինյանն է:
Նրա նկատմամբ ակտ կազմվեց 100. 000 դրամի չափով:
Լուսանկարները եւ տեսանյութը՝ Գագիկ Շամշյանի