Հայաստանում գոյություն ունի չլուծված կամ լուծման նախնական հանգրվանում գտնվող հրատապ խնդիրների մի հսկայական փաթեթ, որոնց շուրջ պարտավոր են «սրեր խաչել» եւ դրական լուծումներ գտնել Հայաստանի բոլոր քաղաքական ուժերը։ Նման բովանդակային քննարկումը մեծ նպաստ կբերի ողջ երկրին եւ թույլ կտա նախընտրական պայքարը հանել վերջին 20-ամյակին բնորոշ՝ «Լեւոն, հեռացի՛ր», «Ռոբերտ, հեռացի՛ր», «Սերժ, հեռացիր» պարզունակ կարգախոսների շրջագծից։
Դրանց «մեխանիկական բազմապատկումը» անցած տարիներին ոչինչ չի տվել, քանի որ կտրվել է երկրի առջեւ կանգնած իրական խնդիրների դաշտից։
Քանզի ինչքան էլ գոռանք՝ «Պետրո՛ս, հեռացի՛ր», կամ՝ «Պողոս-նախագահ» դրանից ոչինչ չի փոխվի, եթե առաջիկա նախընտրական պայքարում արմատապես չբարելավվի քաղաքական բանավեճի մթնոլորտն ու բովանդակությունը։ Առաջինն անհրաժեշտ է մեր շուրջը կուտակվող արտաքին մարտահրավերներին ամեն րոպե պատրաստ լինելու համար, իսկ երկրորդը՝ երկրի առջեւ կանգնած հրատապ խնդիրների լուծումները գտնելու նպատակով։
Վարդան ԳՐԻԳՈՐՅԱՆ
«Հայոց աշխարհ»
