Հիշում եք հայտնի եւ սիրված ֆիլմը` «Արջամկան օրը» (День сурка): Ահա այդ հայտնի արջամուկ Ֆիլը այսօր հայտնել է, որ եւս վեց շաբաթ շարունակվելու է ձմեռը: Այս մասին տեղեկանում ենք «Ամերիկայի ձայնի» հետեւյալ հոդվածից:
Միացյալ Նահանգների Փենսիլվանիա նահանգի Փանքսաթոնի փոքր քաղաքի հանրաճանաչ Ֆիլ արջամուկը գուշակել է, որ ԱՄՆ-ում ձմեռը շարունակվելու է ևս վեց շաբաթ: Փանքսաթոնիի Ֆիլ արջամուկն այս հինգշաբթի առավոտյան արթնացել է քնից և տեսել իր ստվերը:
Ավանդույթի համաձայն, եթե Ֆիլ արջամուկը տեսնում է իր ստվերը, ապա ձմեռը շարունակվելու է ևս վեց շաբաթ, իսկ եթե Ֆիլն իր ստվերը չի տեսնում, ապա նշանակում է, որ շուտով գարուն է գալու:
Ֆիլի կանխագուշակումը ճիշտ լինելու դեպքում, Միացյալ Նահանգներում կարող է հաստատվել ձմեռային եղանակ, որը մինչ այժմ հաստատվել է երկրի միայն մեկ հինգերորդ մասում:
Կարդացեք նաև
Արջամկան օրվա կազմակերպիչներն ակնկալում են, որ ավանդական կանխագուշակման արարողությանը կմասնակցի մոտ 15 հազար մարդ:
Այս ավանդույթը նշվում է յուրաքանչյուր տարվա փետրվարի 2-ին ԱՄՆ-ի և Կանադայի բազմաթիվ քաղաքներում և գյուղական վայրերում:
Փանքսաթոնիի Ֆիլ արջամուկն եղանակը կանխագուշակող ամենահայտնի արջամուկն է, իսկ արջամկները «եղանակի կանխագուշակմամբ են զբաղված» 1887 թվականից:
