Թաթա Սիմոնյանն ու «Եվրատեսիլ 2008»-ում երկրորդ տեղը զբաղեցրած ուկրաինուհի Անի Լորակը օրերս ձայնագրել են զուգերգ: Երգի հեղինակը Մանե Հակոբյանն է: Այս մասին տեղեկանում ենք «Դար 21» հեռուստաընկերության «ՖայլPRO» հաղորդաշարից: Հաղորդավարուհի Անի Դաշյանը նաև տեղեկացրեց, որ լուրը հաստատել է Թաթա Սիմոնյանի պրոդյուսեր Գրիգոր Նազարյանը: Հաղորդման ընթացքում ներկայացվեց նաև նոր զուգերգից մի հատված և պարզ դարձավ, որ Լորակը երգում է նաև հայերեն: Երգը կունենա՞ տեսահոլովակ: Ե՞րբ կարելի է ամբողջական տարբերակով լսել երգը: «Առավոտ երիտասարդականը» շուտով կպարզի ու կտեղեկացնի ձեզ: