Հատված Հայ ազգային կոնգրեսի անդամ Երջանիկ Աբգարյանի հետ հարցազրույցից:
– Պարոն Աբգարյան, վերջին շրջանում ՀԱԿ–ի շուրջ ծավալվող իրադարձություններն ինչպե՞ս կմեկնաբանեք։ Մասնավորապես, թե ՀԱԿ–ը լքողների քայլը՝ Արամ Սարգսյան, Հովհաննես Հովհաննիսյան՝ թե ՀԱԿ–ի՝ վերջին տարիներին որդեգրած մարտավարության հետ անհամաձայնություն ունեցողների։
– Ես գտնում եմ, որ այն մարդիկ, ովքեր որ հիմա լքում են ՀԱԿ-ը, ուղղակի քաղաքական երկար պայքարի պատրաստ չեն եղել ընդհանրապես։ Նրանք կարծում են, որ ահա, գնացինք-հավաքվեցինք, միտինգ արեցինք, հաջորդ օրը իշխանությունը մերն է դառնալու։ Մոռանում են, որ ժամանակները փոխվել են, ամեն ինչ այլ տեսք ունի, եւ գոյություն ունեն սկզբունքներ, որոնք թույլ չեն տալիս հեղաշրջումներ անել։ Վերջիվերջո մեր նպատակը սահմանադրական կարգի հաստատումն է, եթե մենք դա հաստատենք հեղափոխությունով, ապա դա նույնպես անօրինական է լինելու։ Հետեւաբար, կրկնում եմ, նրանք պատրաստ չէին ձգձգմանը եւ սկզբունքային դիրքորոշումներ չունեին, դրա համար լքեցին ՀԱԿ-ը։ Սկզբունքային դիրքորոշ¬ում ասելով՝ նկատի ունեմ այն հանգամանքը, որ նրանք լուրջ չեն վերաբերվել այն սկզբունքներին, որոնք ի սկզբանե դրված են ՀԱԿ-ի գործունեության հիմքում։ Նրանք ուղղակի հրապուրվել են անձով, որ անձի շնորհիվ անմիջապես իշխանություն կգրավեն եւ այս հարցով պատրաստ չէին երկարատեւ պայքարի։ Խնդիրը հետեւյալում է. եթե հիմա լքում են ՀԱԿ-ը, ի՞նչ են անելու՝ տո՞ւնն են նստելու, դրսո՞ւմ են պայքարելու։ Ո՞նց են պայքարելու, երրորդ ուժի՞ մասին է խոսքը։ Եթե ի վիճակի են, թող երրորդ ուժ ստեղծեն, բայց այդպիսի բան բնության մեջ չի լինում, երրորդ ուժը հանկարծակի չի հայտնվում։ Հետեւաբար, ես կարծում եմ, որ նրանք քաղաքական սխալ են թույլ տվել եւ ճիշտ չեն գնահատել իրադրությունը։
Կարդացեք նաև
– Պարոն Աբգարյան, կարծում եք 7 մանդատով հնարավո՞ր է սահմանադրական կարգ հաստատել։
– Այո, անշուշտ։ Եվ ընդհանրապես անիմաստ են խոսակցությունները՝
ՀԱԿ-ը վերցներ մանդատները, թե ոչ։ Որտեղ որ ամբիոն կա՝ սահմանադրական կարգ հաստատելու համար, չպեւոք է մերժել, պետք է գնալ։ Հակառակ դեպքում ընտրություններին մասնակցությունն էլ ավելորդ է, այդ դեպքում պետք էր նախընտրել հեղափոխությունը եւ ասել, որ գնում ենք հեղափոխության։ Այսինքն, որեւէ տրամաբանություն չկար, որ Կոնգրեսը հրաժարվեր մանդատներից։ Դա խռոված մարդու դիրքորոշում է, որը մեզ սազական չէ։
Լուսինե ՇԱՀՎԵՐԴՅԱՆ
«Հրապարակ»