Ուկրաինայի Գլխավոր դատախազի տեղակալ Ռենատ Կուզմինը հայտարարել է, որ այդ երկրի նախկին վարչապետ, այժմ անազատության մեջ գտնվող Յուլիա Տիմոշենկոյին կարող է նոր մեղադրանք առաջադրվել՝ 16 տարի առաջ մի ձեռներեցի սպանության գործով։
Ռուսաստանյան «Կոմերսանտ» թերթին տված հարցազրույցում, Կուզմինն ասել է, որ կան բավարար ապացույցներ Տիմոշենկոյին գործարար Եվգենի Շերբանի սպանության գործով։
Շերբանը սպանվել է Դոնեցկում՝ 1996 թվականին։
Յուլիա Տիմոշենկոն 2011 թվականի հոկտեմբերին դատապարտվել է 7 տարվա ազատազրկման՝ Ռուսաստանի հետ 2009 թվականին գազի գնի վերաբերյալ պայմանագրեր կնքելիս պաշտոնեական լիազորությունները չարաշահելու մեղադրանքով։ Նախկին վարչապետը, սակայն, պնդում է, որ իր նկատմամբ քաղաքական հետապնդում է իրականացվում:
«Ազատություն» ռադիոկայան
