«ՀՀԿ-ն միասնական, կուռ կառույց է Թալին քաղաքում: Շատ համախմբված կառույց է, եւ մեկ անդաստիարակի մտածելակերպը չի նշանակում, որ պետք է ստվերվի ՀՀԿ-ի գործունեությունը կամ ՀՀԿ-ի կառուցողական մոտեցումները: Նման մարդկանց մենք պատժում ենք ու կպատժենք»,- Aravot.am-ի հետ զրույցում ասաց Արագածոտնի ՀՀԿ-ական մարզպետ Սարգիս Սահակյանը՝ անդրադառնալով տեղում ներկուսակցական խնդիրներին: Հիշեցնենք, որ, ի հեճուկս կուսակցական առաջնորդների հրահանգների, կիրակի օրը Թալինում կայացած քաղաքապետի ընտրություններին մասնակցում էր նաեւ Վորոշ Խաչատրյանը, ում սատարում էին ՀՀԿ-ական պատգամավոր Մնացական Մնացականյանը եւ «Բարգավաճ Հայաստան» կուսակցությունը:
Aravot.am-ը մարզպետից հետաքրքրվեց՝ ի՞նչ նկատի ունի «պատժել» ասելով՝ ծեծելու են, թե՞ անկյուն են կանգնեցնելու: Մարզպետը պատասխանեց. «Կպատժենք լեռնցու օրենքներով»:
Նելլի ԳՐԻԳՈՐՅԱՆ
Մարզպետի հետ զրույցի այլ մանրամասները՝ կարդացեք վաղվա տպագիր «Առավոտում»:
