Խորհրդային Միության փլուզումից հետո անհրաժեշտություն առաջացավ ստեղծել մի հարթակ, որը հնարավորություն կտար նախկին կայսրության երկրներին շարունակել շփումը, մանավանդ դրանցից շատերը կապված էին ճակատագրերով ու միջմշակութային առնչություններ ունեին: Այսօր այդ յուրատեսակ հարթակը, ի դեմս 72 միլիոնանոց լսարան ունեցող« «Мир» միջպետական հեռուստառադիոընկերության, օրերս նշեց հիմնադրման 20-ամյակը:
«Եթե 20 տարի գոյություն ունենք, ուրեմն ինչ-որ բան հաջողվել է: «Мир» -ը միակ կառույցն է, որը ամեն օր տեսանյութեր եւ ռադիոնյութեր է հեռարձակում Հայաստանից, Վրաստանից, Մոլոդովայից, ՌԴ-ից, Ղրղզստանից…Նման այլ կառույց գոյություն չունի»,- Aravot.am-ի հետ զրույցում փաստում է «Мир» միջպետական հեռուստառադիոընկերության Հայաստանի ազգային մասնաճյուղի տնօրեն Մերուժան Սարգսյանը: «Мир»-ն ունի 10 բաժնետեր, դրանցից յուաքանչյուրն էլ՝ իր ինքնուրույն քաղաքականությունը: Մեր զրուցակիցը նշում է, որ 20 տարվա մեջ միշտ էլ փորձել են հնարավորինս անաչառ ինֆորմացիա տրամադրել ու իրադարձությունների օբյեկտիվ պատկերը: Խոսելով «Мир»-ի աշխատակիցների մասին, պարոն Սարգսյանը նշում է.
«Մեզ մոտ աշխատող լրագրողը ամեն օր տեսնում է ոչ միայն իր երկրի սահմաններում կատարվողը, այլեւ այն ամենը, ինչ տեղի է ունենում իր երկրից դուրս: Ես իմ կոլեգաներին միշտ մտերմիկ խորհուրդ եմ տալիս՝ պարտավոր ենք մասշտաբային մտածողության կրողը լինել: «Мир»-ի առանձնահատկությունն այն է, որ համամարդկայինից զատ պարտադիր են նաեւ ազգային երանգները»: Հավելենք, որ «Мир»-ի եթերում միշտ տեղ են գտնում ցանկացած երկրի պետական կարեւորագույն եւ ազգային միջոցառումները: Օրինակ, ամեն տարի ապրիլի 24-ին Ծիծեռնակաբերդից ուղիղ հեռարձակումներ են լինում, կամ անցյալ տարվա սեպտեմբերի 21-յան զինվորական շքերթը 1ժամ 45 րոպե եղել է «Мир»-ի եթերում:
Կարդացեք նաև
Գոհար ՀԱԿՈԲՅԱՆ
Մանրամասները՝ տպագիր «Առավոտում»