Թուրքիայի արտգործ նախարար Ահմեդ Դավութօղլուն Բաքվում, մամուլի ասուլիսի ժամանակ ասել է, որ հայերի կողմից Ստեփանակերտում օդանավակայան բացելու քայլը բարեկամական ակտ չէ, և որ այն կվնասի հակամարտության կարգավորման գործընթացին: Հայտնում է «Հյուրիեթ դեյլի նյուզ» թերթը:
Դավութօղլուն նաև նշել է, որ օդանավակայանի բացման հարցում Թուրքիան կիսում է Ադրբեջանի դիրքորոշումը:
Թուրքիան պատրաստ է անել ամեն ինչ Հարավային Կովկասում խաղաղություն և կայունություն հաստատելու համար: Ասել է արտգործ նախարարը: «Խաղաղություն պահպանելու համար յուրաքանչյուրը պետք է հարգի մյուս երկրների սահմանները», – ասել է Դավութօղլուն ու ավելացրել, որ Թուրքիան ցանկանում է, որ խնդիրը լուծվի Ադրբեջանի տարածքային ամբողջականության սկզբունքով:
Կարդացեք նաև
Պատրաստեց Հովհաննես ԻՇԽԱՆՅԱՆԸ
