Հայաստանի և Ադրբեջանի միջև ղարաբաղյան հակամարտությունը ոչ մեկին չպիտի իրավունք տա ռասիստական կամ վիրավորական հայտարարություններ անելու սահմանից այն կողմ գտնվող մարդկանց հասցեին: Նույնիսկ պատերազմական դրություններում վարքագծի քաղաքակիրթ նորմեր գոյություն ունեն: Գրված է «Ասպարեզ» թերթում հրապարակված «Կալիֆորնիա Կուրիեր» թերթի խմբագիր Հարութ Սասունյանի հոդվածում:
Քանի դեռ այս երկու հարևան երկրները գտնվում են իրենց դժվարին հակամարտությունը կարգավորելու բանակցությունների գործընթացի մեջ, խիստ անպատասխանատու է ազգամիջյան, միջկրոնական ատելության քարոզներով կրակի վրա յուղ լցնելը և զսպված զգացմունքները գրգռելը: Մինչ որոշ հայերի մոտ պարբերաբար հուզական պոռթկումներ են լինում, Ադրբեջանի ղեկավարները ռասիստական և հակահայկական հայտարարությունները ընգրկել են իրենց պետական քաղաքականության մեջ:
Նման վարքագծի պատճառով արցախյան հակամարտությունը տեղափոխվեց Հունգարիա (օգտագործելով կացին), Մեքսիկա (5 միլիոն դոլար առաջարկելով` հակահայկական վահանակով Ալիևի արձանը կանգնեցնելու դիմաց) և ամբողջ աշխարհով շատ այլ երկրներ, որոնք հազարավոր մղոններով հեռու են հակամարտությունից:
Ազերիներն այժմ որոշել են արցախյան կռիվը տեղափոխել Հոլիվուդ, այն բանից հետո, երբ հայերը «Օսկար»-ի օտարալեզու ֆիլմերի մրցույթին են ներկայացրել անմեղ «Եթե բոլորը» ֆիլմը:
Կարդացեք նաև
Պատրաստեց Հովհաննես ԻՇԽԱՆՅԱՆԸ
