Ստամբուլի կենտրոնական հայկական ավագ դպրոցում բացվել է հայ քանդակագործ Մարի Գերեքմեզյանի, հայտնի թուրք բանաստեղծ և նկարիչ Բեդրի Ռահմի Էյուբօղլուի սիրուհու, ցուցահանդեսը: Գրում է «Հյուրիեթ դեյլի նյուզ» թերթը:
Ցուցահանդեսին, որը կտևի մինչև դեկտեմբերի 23-ը, իրենց աշխատանքներն են ներկայացրել Թուրքիայի շատ հայ արվեստագետներ, այդ թվում ֆոտոլրագրող Արա Գյուլերը` քանդակագործին պատվելով, որը ճանապարհ է բացել Թուրքիայի կին քանդակագործների համար:
«Մարի Գերեքմեզյանը Թուրքիայի առաջին կին քանդակագործն է», – ասել է Ստամբուլի Բիլգի համալսարանի պրոֆեսոր Սեվենգյուլ Սյոնմեզը, ով մասնակցել է ցուցահանդեսին և ուսումնասիրություններ է կատարել Գերեքմազյանի կյանքի մասին, – «Նրա բարեկամները և արվեստի միջավայրի մարդիկ նախընտրում էին անտեսել Մարիին»:
Կարդացեք նաև
Սյոնմեզը կարծում է, որ Բեդրի Ռահմիի բազմաթիվ բանաստեղծություններ ոգեշնչված են Մարիից.
«Նա սիրահարվել էր ամուսնացած տղամարդու ու այդ ընտրության համար կորցրեց իր բարեկամներին և ընկերներին: Գլխավոր բանը, որ նրանց սերն ավելի էր ամրացնում, արվեստն էր: Այս սիրո հետքերը հնարավոր է գտնել երկուսի գործերում», – ասել է Սյոնմեզը:
Պատրաստեց Հովհաննես ԻՇԽԱՆՅԱՆԸ
