Այսօր Armversion.am կայքը հրապարակել է տեսանյութ, որում երեւում է, որ ՀԱԿ համակիր Վարդգես Գասպարին, որն իր բողոքն իշխանություններից արտահայտում է «պառկելացույցով», նման ակցիա էր իրականացնում ՀԱԿ գրասենյակի առջեւ: Լրագրողի հարցին, թե ո՞րն է պատճառը` նա չի պատասխանում:
Ավելի ուշ Վարդգես Գասպարին «Ֆեյսբուքի» իր էջում արել է հետեւյալ գրառումը.
«Ի տեղեկություն հետաքրքրվողների հայտնում եմ.
1- իմ այսօրվա ակցիան նախատեսված չէր լրատվամիջոցների համար, թեեւ թաքցնելու բան էլ չկա:
2 – Իմ ակցիան ոչ թե «բողոք է ընդդեմ», այլ աջակցություն հանդուրժողականությանը:
3 – իմ ակցիայի հասցեատերը Կոնգրեսի անդամներն են ընդհանրապես, ոչ թե ղեկավար մարմինը: Պարզապես ղեկավար անձինք կարող են ավելի մեծ ազդեցություն ունենալ հանդուրժողականությանը նպաստելու հարցում:
4 -Ինչպես նշեցի իմ ակցիայի հասցեատերը Կոնգրեսի անդամներն են, ուստի եւ իմ խոսքը նրանց հասցնելու համար, շատ ներողություն, ոչկոնգրեսականների աջակցության կարիքը չունեմ:
5 – Կողմնակի հետաքրքրասեր մարդիկ, ովքեր ցանկանում են` կարող են առիթը բաց չթողնել հեգնելու, զվարճանալու եւ Կոնգրեսի այլ անձանց փնովելու համար, բայց դա թող աջակցություն ինձ կամ իմ ակցիային չհամարեն: Առավել եւս Լ. Զուրաբյանի հասցեին հնչող վիրավորանքները ինձ համար նույնքան ցավալի են, որքան օրինակ Պ. Մակեյանի հասցեին հնչող անպարկեշտ արտահայտությունները:
7 – Իմ ամենամերձավոր անձինք հենց ՀԱԿ անդամներն են, ինձ ամենահոգեհարազատը` ՀԱԿ-ի հանրությունը:
