Այսօր «Մոսկվա» կինոթատրոնում տեղի ունեցավ հայազգի կինոռեժիսոր, սցենարիստ, պրոդյուսեր, «Մոսֆիլմ» կինոստուդիայի գլխավոր տնօրեն Կարեն Շահնազարովի «Սպիտակ վագր» ֆիլմի երեւանյան պրեմիերան: Ինչպես ավելի վաղ հայտնել էինք, ըստ ֆիլմի սյուժեի՝ խորհրդային բանակի սերժանտ Իվան Նայդենովը (Ալեքսեյ Վերտկով), որը հրաշքով փրկվում Է այրվող տանկից, մահացու մենամարտի Է բռնվում «Սպիտակ վագրի»՝ գերմանական ուրվական տանկի հետ: Aravot.am-ի հետ զրույցում Հայաստանի «Ռոլան Բիկով» հիմնադրամի տնօրեն Նունե Մանուկյանը հայտնեց, որ Շահնազարովը Հայաստան է ժամանել հիմնադրամի հրավերով. «Ֆիլմը պետք է մասնակցեր մեր փառատոնին, սակայն առաջադրվեց «Օսկար»-ի եւ Կարեն Շահնազարովի այցը հետաձգվեց»: Տիկին Մանուկյանը ֆիլմի մասին ասաց, որ «Սպիտակ վագրն» ինքնին բարդ է, որովետեւ, օրինակ, մասսայական տեսարանները դժվար է նկարել:
Մեր զրուցակիցը նաեւ ասաց, որ այսօր Պաշտպանության նախարարությունում ռեժիսորը պարգեւատրվել է «Մարշալ Բաղրամյան» շքանշանով:
Aravot.am-ի հարցին, թե որն է ռեժիսորի ամենամեծ ձեռքբերումը, Շահնազարովը պատասխանեց. «Ես նկարել եմ 15 ֆիլմ, ինչը, կարծում եմ, վատ արդյունք չէ: Ես հպարտ եմ, որ նկարել եմ այդ ֆիլմերը: Ընդհանուր առմամբ կարող եմ ասել, որ ես ստեղծել եմ «Մոսֆիլմը», որովհետեւ երբ դարձա ստուդիայի տնօրեն, այն իրենից միայն պատեր էր ներկայացնում: Ժամանակակից տեխնոլոգիաներով հագեցված ներկայիս ստուդիայում ես ունեմ իմ ներդրումը: Ամենակարեւորը` դա արել եմ առանց բյուջետային փողերի, որովհետեւ չունեի պետական աջակցություն եւ հպարտ եմ իմ արածով»:
Կարդացեք նաև
Լուիզա ՍՈՒՔԻԱՍՅԱՆ
Ամենախորին հարգանքները,՝ Ձեզ: Մի գուցե մի օր կարողանաք աջակցել
Արտավազդ Փելեշյանի ծրագրերի իրականացմանը: Մեր հանրապետության՝
կոբրաները, սս-ները, դոդերը, լֆիկները, շաշիկները, լիսկաները, ֆաշիստները,
մկները,և այլ առնետները, երկիրը կործանող թալանից բացի ուրիշ բան չեն
հասկանում