ՀԱԿ պատգամավոր Լյուդմիլա Սարգսյանը, այսօր ԱԺ-կառավարություն հարցուպատասխանի ժամանակ բարձրացնելով «Արտոնագրային վճարների մասին» օրենքի հետևանքով ի հայտ եկած դժգոհություններն ու բացասական երևույթները, նշեց, որ բազում ստոմատոլոգիական կաբինետներ փակման ճանապարհին են, շատ կադրեր լքում են երկիրը:
ՀՀ վարչապետ Տիգրան Սարգսյանն ի պատասխան ասաց, որ, ընդհակառակը, այս բնագավառը գտնվում է ստվերում և հարկեր չի վճարում: Գները, որ սահմանված են և հարկը, որ այժմ վճարում են ատամնաբույժները, անհամադրելի են: Այնուհետև վարչապետը մանրամասնեց. «Ամսական 80 հազար դրամը՝ մեկ աթոռի համար չափազանց ցածր հարկային բեռ է: Այն խելամիտ հարկային բեռ է, բայց հաշվի առնելով հասարակության շրջանում առաջացած դժգոհությունները, հանձնարարել եմ ևս մեկ անգամ անդրադառնալ հաշվարկներին և ներկայացնել դրանք հասարակությանը»:
Տաթև ՀԱՐՈՒԹՅՈՒՆՅԱՆ
