Այսօր կենտրոնական ընտրական հանձնաժողովի քննարկման օրակարգում «Ժառանգություն» կուսակցության նախընտրական շտաբի արձանագրած խախտումներն էին:
Խախտումների վերաբերյալ հանձնաժողովը դեռեւս որոշում չի հրապարակել, որովհետեւ որոշակի խախտումների բնույթի, վայրի ու տարածքի վերաբերյալ դեռ ճշտումներ պետք է արվեն:
Կուսակցության ներկայացուցիչ Արմեն Մարտիրոսյանը իրենց արձանագրած խախտումներն այնքան առարկայական է համարում, որ ճշտելու կարիք չի տեսնում. «Կան խախտումներ, որոնք համատարած բնույթ են կրում: Խոսքը անձնագրերը հավաքելու, դպրոցներից աշակերտների եւ մանկավարժական կոլեկտիվին գործող նախագահի քարոզարշավին ուղղորդելուն է վերաբերում: Սա օպերատիվ հետախուզություն իրականացնող մարմինների աշխատանքն է նաեւ»,- ասաց պարոն Մարտիրոսյանը:
Պարոն Մարտիրոսյանի խոսքերով, տեղական ինքնակառավարման մարմինները քարոզչություն են իրականացնում. «Վարչական ռեսուրսներն օգտագործվում են ապօրինաբար: Հասարակական օբյեկտների վրա էլ Սերժ Սարգսյանի պաստառներներն են փակցված, որը եւս խախտում է: Հանձնաժողովից ոչինչ չենք պահանջում, ասել ենք, որ սա ի գիտություն ընդունեն, գործող նախագահը իր պարտականությունների շրջանակում այս ամենը վերացնի»:
Կարդացեք նաև
Հանձնաժողովը իր որոշումը խախտումների վերաբերյալ կհրապարակի առաջիկա օրերին:
Արփինե ՍԻՄՈՆՅԱՆ
սս-ը օրինակա՞ն է, որ պաստառները օրինական լինի: