Այսօր «Ինտերնյուսում» կայացավ «Պատերազմ առանց հերոսների» ֆիլմի ցուցադրությունը: Նկարը պատմում է 2012 թ.-ին Ղրղըզստանի Օշ քաղաքում ղրղզ եւ ուզբեկ ազգերի միջեւ ծագած հակամարտության մասին: Չնայած այն հանգամանքին, որ այպիսի մի խռովություն է եղել է 1990-ականների սկսզբին՝ այնուամենայնիվ, այս միջադեպը շատ բան է փոխել հարեւանությամբ բնակվող ազգերի հարաբերություններում: Եթե, օրինակ, նախկինում ընդունված էին խառնամուսնությունները, ապա ներկայումս դրանք գրեթե բացակայում են:
Ֆիլմի պրոդյուսեր Հարություն Մանսուրյանի (լուսանկարում) խոսքերով՝ երկու ազգերի միջեւ 2012 -ին ծագած խռովությունները իրենք փորձել են վեր հանել բացառապես երիտասարդների հայացքների եւ մտածողության հիման վրա:
«Այս ֆիլմը համատեղ աշխատանք է Ադրբեջանի մեր գործընկերների հետ, եւ այս ֆիլմի միջոցով փորձել ենք տեսնել ԱՊՀ տարածքում առակա առավել ցայտուն ազգամիջյան կոնֆլիկտներից մեկը»,- իր խոսքում նշեց «Ինտերնյուսի» տնօրեն Նունե Սարգսյանը:
Ընդհանուր առմամբ, ֆիլմը ռեպորտաժների շարան է, հիմնական գաղափարն էլ հետեւյալն է ՝ մի հավատքի պատկանող, գրեթե նույն ավանդույթներն ունեցող եւ կողք կողքի ապրող այս մարդիկ ունեն իրենց ազգամիջյան կոնֆլիկտը, որը ծագել է տնտեսական նացիոնալիզմի հիման վրա:
Կարդացեք նաև
Սեւակ ՎԱՐԴՈՒՄՅԱՆ
Լուսանկարը՝ Ջուլիա Մարտիրոսյանի
