Նրանք չեն կարող օգտվել նաեւ բուհական զեղչային համակարգից:
«Ներկայումս Հայաստանում է գտնվում 4309 սփյուռքահայ ուսանող` առավելապես Վրաստանից (2026) Ռուսաստանից (1422), Սիրիայից (251), ինչպես նաեւ` Իրանից, Ուկրաինայից, ԱՄՆ-ից, Թուրքմենստանից… (ընդհանուր առմամբ` 37 երկրից)»,-այսօր «Ելակետ» ակումբում ասաց «Սփյուռքահայ ուսանողների խորհուրդ (ՈՒՀԿ)»-ի նախագահ, ԵՊՀ ուսանող Սամվել Մկոյանը, ում խոսքով` սփյուռքահայ ուսանողները նախընտրում են սովորել գլխավորապես Բժշկական համալսարանում, ԵՊՀ-ում, Մանկավարժականում եւ Ճարտարապետության եւ շինարարության պետական համալսարանում:
Մկոյանի դիտարկմամբ` սփյուռքահայ ուսանողների կարեւորագույն խնդիրն է վարձավճարի հարցը. «Ի տարբերություն տեղացիների` սփյուռքահայ ուսանողները երեսուն տոկոս ավելի վարձ են վճարում: Հանգամանքը շտկելու ուղղությամբ արդեն իսկ կատարվել են աշխատանքներ, մասնավորապես` «Բարձրագույն եւ հետբուհական մասնագիտական կրթության մասին» օրենքում փոփոխություններ կատարելուց հետո սահմանվեց, որ ԼՂ-ի եւ Վրաստանի մի շարք նահանգների հայազգի ուսանողներից արգելվում է ավելի բարձր վարձավճար գանձել: Մեր կազմակերպության իրավական հանձնաժողովը փորձում է հարցին լուծում տալ` համագործակցելով Սփյուռքի նախարարության հետ: Բացի այդ, ԱԺ-ում բարձրացվել է ուսանողների վարձավճարները հավասարեցնելու հարցը, որ ներկայումս քննարկվում է»:
ԵՊՀ ուսանողը փաստեց, որ սփյուռքահայ ուսանողները զրկված են մրցութային կրթության իրավունքից. «Հայաստանաբնակ ուսանողները կարող են գերազանց սովորել եւ անցնել անճար կրթության համակարգի, իսկ սփյուռքահայ ուսանողները նման հնարավորություն չունեն, ինչպես նաեւ` չեն կարող օգտնվել համալսարանների սահմանած զեղչային համակարգերից»:
Կարդացեք նաև
Բանախոսը նաեւ ասաց, որ հայերենի հետ կապված սփյուռքահայ ուսանողների խնդիրները լուծելու ուղղությամբ նույնպես առաջընթաց կա, մասնավորապես` մի քանի բուհերում կազմակերպվում են նախնական պատրաստվածության դասընթացներ:
Սամվել Մկոյանը նշեց, որ «Սփյուռքահայ ուսանողների խորհրդի» նպատակն է` իրազեկել սփյուռքահայ ուսանողներին իրենց իրավունքների մասին եւ միավորել նրանց:
Լուիզա ՍՈՒՔԻԱՍՅԱՆ
Ես սովորում եմ <>ՊՈԱԿ-ում և վստահաբար փաստում եմ,որ մեր համալսարանում սփյուրքահայ ուսանողները սովորում են նույն պայմաններով և նույն վարձավճարով ինչ տեղացի հայերս ասեմ ավելին նույնիսկ արտասահմանցի ուսանողներն են վճարում նույն չափով ինչ տեղացիներս, իհարկե խոսքը գնում է հայկական խմբերում սովորող ուսանողների մասին:
Իննքս սովորում եմ ԵՃՇՊՀամալսարանում, եւ եթե թույլ տաք ձեզ կարող եմ հավաստիացնել որ մեր համալսարանում սփյուռքահայ-տեղացի հայ տարբերություն չի դրվում, հպարտությամբ կարող եմ ասել որ մեր համալսարանն առաջին պետական համալսարանն է եղել ՀՀ տարածքում որ հավասարեցրել է սփյուռքահայի եւ տեղացի հայու վարձեվճարները եւ այդ բանն արվել է տարիներ առաջ՝ 2006 թվականին: Համալսարանում այդ թվից ի վեր արդեն վարձեվճարները տարբերվում են ըստ ուսուցման լեզվի եւ ոչ թե քաղաքացիական պատկանելիության: Խնդրում եմ մի նյութի մասին խոսելուց մի քիչ ավելի լավ ուսումնասիրած լինել դաշտը, մանավանդ եթե մտադիր եք նման ընդհանրացված կարծիքներ հայտնել:
Գալով անվճար սովորելու խնդրին, ամեն տարի` նախապատրաստական կուրսը ավարտողներից ամենաբարձր առաջադիմություն ունեցող 2-ից 5 ուսանող (նայած այդ տարվա համար սփյուռքահայերի համար հատկացված տեղերին, եւ այս առավելությունը միայն սփյուռքահայ ուսանողներն ունեն) ընդունվում են համլսարան պետական պատվերի կարգավիճակով, ոչ էլ մրցակցության են մասնակցում դրանից հետո: