Քիմ Քարդաշյանի եղբայրը՝ հեռուստաաստղ Ռոբ Քարդաշյանը Թվիթերում հրապարակել է իր նոր ընկերուհու լուսանկարները, գրում է «Հոլիվուդ լայֆ» պարբերականը:
Նրա նոր ընկերուհու անունն է Նազա Ջաֆարյան, նրանք մի քանի ամիս է արդեն հանդիպում են:
Պարբերականը հիմնվելով իր աղբյուրին, բայց չբացահայտելով նրա անունը, գրում է, որ Ռոբը Նազայի հետ ծանոթացել է իր մոտ ընկերոջ՝ Բրենդոն Քափլանի միջոցով: Նազան հիմնականում ապրում է Լոնդոնում:
«Նա մի քիչ նման է Քիմին», – կատակել է աղբյուրը, – «Նա Ռոբի հետ էր Վեգասում իր ծննդյան օրը: Հետո նրանք Լոս Անջելեսում միասին անցկացրին Սուրբ Պատրիկի օրը, իսկ այժմ երկուսով մեկնել են Լոնդոն»:
Նազան փակել է իր Թվիթերը, հավանաբար լրատվամիջոցների մեծ ուշադրության պատճառով:
Պատրաստեց Հովհաննես ԻՇԽԱՆՅԱՆԸ
