Փաստաբանների պալատը պահանջում է քրեական գործ հարուցել փաստաբան Լուսինե Սահակյանին սպառնալու համար:
Այս մասին Aravot.am –ին տեղեկացրեց փաստաբան Լուսինե Սահակյանը, ով , ինչպես հայտնի է Գյումրու նախկին քաղաքապետ Վարդան Ղուկասյանի դստեր փեսացու սպանության մեջ ամբաստանվող երիտասարդի` Հարություն Սարգսյանի շահերի պաշտանն է:
Անցած դատական նիստին դատակոչված վկաներից մեկի պատճառով աղմկոտ միջադեպ էր տեղի ունեցել: Լուսինե Սահակյանը առարկել էր հարցաքննել «մտավոր խնդիրներ ունեցող վկային»`Հակոբ Կարապետյանին, որն էլ առիթ էր դարձել, որ Վարդան Ղուկասյանի կողմնակիցները սպառնային նրան, թե` գլուխդ կպոկենք: Այսօր Aravot.am-ի հետ զրույցում Լուսինե Սահակյանն ասաց, որ տղան օժանդակ դպրոցի սան է եղել, և ուղղակի անհրամար է պնդել, թե նա առանցքային վկա է :
Կարդացեք նաև
Փաստաբանը նաեւ փոխանցեց, որ այդ դատական նիստից առաջ Վարդան Ղուկասյանի կողմնակիցները արդեն իսկ ահաբեկել էին հիվանդ վկային, ով դատարանի դահլիճում դողում էր վախից: «Սարսափած նստած էր աթոռին, ես եմ միջատել, որ նրան տեղափոխեն վկաների սենյակ, որպեսզի չշարունակեն ճնշումների ենթարկել Ղուկասյանի կողմնակիցները», -ասաց փաստաբանը: Մեր այն հարցին էլ`հնարավո՞ր է նման սպառնալիքները պատճառ դառնան, որ փաստաբանը կաշկանդվի, հրաժարվի Հարություն Սարգսյանի շահերի պաշտպանությունից, Լուսինե Սահակյանը վստահեցրեց, որ իրեն ոչ մեկը չի կարող կաշկանդել իր մասնագիտական պարտականությունները կատարելու:
Aravot.am –ի այն հարցին էլ, եթե Վարդան Ղուկասյանի ընտանիքը այնուամենայնիվ դատարան չներկայանա ու առաջարկի դատարանին հիմք ընդունել իրենց նախաքննական ցուցմունքները, ինչպե՞ս կվարվի Հարություն Սարգսյանի պաշտպանական կողմը: Լուսինե Սահակյանն ասաց, որ նախաքննական ցուցմունքները բացառիկ դեպքերում են դատարանում հրապարակվում , այն դեպքում, երբ կան բացառող հանգամանքներ վկայի դատարան ներկայանալու, իսկ Ղուկասյանների պարագայում միանշանակ բերման ենթարկելու միջնորդություն կներկայացնեն: Մեր այն դիտարկմանը, թե նախկին քաղաքապետը, վերջերս իր անձը ներկայացնելիս, «Ցայգ» հեռուստաընկերությամբ հայտարարեց, որ «իրենք ցուցմունք տվող չեն», մի՞թե սա պատճառ չի կարող դառնալ դատարան չներկայանալու, Լուսինե Սահակյանն այսպես արձագանքեց`«Իսկ ո՞վ է գրել նրա նախաքննական ցուցմունքը, ուրեմն թող նախաքննական ցուցմունք էլ չտար»:
Նունե ԱՐԵՎՇԱՏՅԱՆ
Այս աղջիկը քայլող պրովոկատոր է , իրեն գիտեմ նաև այլ նիստերից՝ Երևանում:Նա գիտի, թե լաչռությունը իրավաբանություն է, ու գիտեք, միշտ փորձում է շանտաժել մարդկանց:Չգիտեմ այս գործի մասին, բայց գիտեմ իր էության մասին: