Հատված նախկին ՀՀՇ-ի վարչության անդամ ԵՐՋԱՆԻԿ ԱԲԳԱՐՅԱՆԻ հետ հարցազրույցից:
– Դուք մշտապես ավազակապետության քանդման մասին եք խոսում, սակայն շատերը պնդում են, որ բոլոր արատավոր երևույթների հիմքը դրվել է հենց ՀՀՇ–ի և Լևոն Տեր–Պետրոսյանի օրոք։ Օրինակ, Դուք ղեկավարել եք մաքսային վարչությունը, Ձեր ժամանակ կոռուպցիա չկա՞ր։
– Օհո՜, էլի գլորվեցինք պեչենու բաղերը։ Կար, բա որ չլիներ, ՀՀՇ-ական թալանչիները ո՞նց էին երկու, չորս, թե ութ միլիարդ դոլարը զխտկվելու եւ շվեյցարական բանկերում հաշիվներ բացելու (այս մասին, խոսքը մեր մեջ, ամենատեղյակներն են ԱԽՔ-ն ու վերջերս հեղափոխական դարձած մի մարդ, որոնք տարիներ առաջ հայտարարեցին, թե գիտեն ՀՀՇ-ականների թալանած փողերի տեղը և շուտով կհայտարարեն այդ մասին, բայց, չգիտես ինչու, առայսօր չեն կատարել իրենց խոստումը): Հա, մինչ ՀՀՇ-ի երևան գալը երկիր դրախտավայրում ու մնացած աշխարհում տիրում էր միայն ջերմ սիրո և բարեկամության մթնոլորտը։ Եկան ՀՀՇ-ականները և ամեն ինչ տակնուվրա արեցին։ Եվ ես, երդվյալ ՀՀՇ-ականս, ճարահատյալ ստիպված եմ ներկայումս խոսւոովանել, որ դա իրոք մեր՝ ՀՀՇ-ականներիս ձեոքի գործն էր և աշխարհում հանդիպող «բոլոր արատավոր երևույթները» մենք ենք նախագծել և առաջինը իրականացրել։
Բայց, ինչպես նման դեպքերում դայլայլում են ներկա իշխանության սոխակները մի կեղտոտ բան կատարելուց հետո, այդ ամենի մեջ «միայն բացասական բաներ տեսնելը ճիշտ չէ»։ Ո՞ւմ հայտնի չէ, որ ՀՀՇ-ի կողմից «բոլոր արատների հիմքերը դնելը» խթանեց այն, որ Համմուրաբին գրի իր օրենքները, ձևավորվի Հռոմեական իրավունքը և, վերջապես, տեղ հասնեն Աստծո տասը պատվիրանները:
Կարդացեք նաև
Ռուզան ԽԱՉԱՏՐՅԱՆ
«Իրատես de facto»
