Այսօր Երևանի Դավիթաշեն և Աջափնյակ վարչական շրջանների ընդհանուր իրավասության դատարանը մերժել է «Ժողովուրդ» օրաթերթի հայցն ընդդեմ «Իքս գրուպ»-ի սեփականատեր Խաչիկ Խաչատրյանի: Այսօր այդ մասին լրագրողների հետ զրույցում ասաց օրաթերթի լրագրող Սոնա Գրիգորյանը:
Հիշեցնենք, որ «Ժողովուրդ» օրաթերթը հայցով դիմել էր դատարան` պահանջելով «Իքս գրուպ»-ի սեփականատեր Խաչիկ Խաչատրյանից ներողություն խնդրել օրաթերթի լրագրող Սոնա Գրիգորյանից, ով հարց էր ուղղել գործարարին և ի պատասխան` հայհոյանք ստացել:
Սոնա Գրիգորյանն ասաց, որ ինքը դատարանում ներկայացրել է Խաչիկ Խաչատրյանի հետ զրույցի ձայնագրությունը, իսկ ավելի վաղ` դեպքից անմիջապես հետո, նա պահանջել էր գործարարից հրապարակային ներողություն խնդրել իրեն վիրավորելու համար, բայց վերջինս հրաժարվել էր, և լրագրողը դիմել էր դատարան:
Լրագրողի խոսքով` ինքը չի լսել մերժման հիմքերը, քանի որ դատարանի դահլիճում վճռի հրապարակումից հետո իր գործընկերների հետ բոյկոտել է դատարանի որոշումը: «Չեմ ցանկացել լսել որևէ պատճառաբանություն, քանի որ կա ձայնագրություն, որտեղ օլիգարխը վիրավորում է լրագրողին, ինչը ևս մեկ անգամ փաստում է, որ Հայաստանում լրագրողները պաշտպանված չեն»,- ասաց Սոնա Գրիգորյանը:
Կարդացեք նաև
Նելլի ԳՐԻԳՈՐՅԱՆ
Դատարանը մերժել է, որևհետև սա Հայաստանի Գողական Հանրապետությունն է: Շուտով
Սահմանադրությամբ կամրագրվի,՝ սեռական բնույթի հատհոյանքներով միմյանց դիմելաձևը:
Կեցցե ռոբիկա-շեռժիկա-շաշիկաբարո Գողական Հայաստանը: Ուռաաաաաաաաաաաաաաաաաաա….