Iditord.am կայքի համակարգող Սամվել Մարտիրոսյանը, «Մեդիա կենտրոնում» խոսելով կայքին ուղարկված ընտրախախտումների հաղորդումների մասին, նշեց, որ դրանց թիվը ժամը 17:00-ի դրությամբ հասել է 300-ի սահմանին:
Համեմատելով ավագանու ընտրությունը անցած նախագահական ընտրության հետ՝ Ս. Մարտիրոսյանը նկատեց, որ հիմա ընտրողներն ավելի ակտիվ են ու տեղեկացված:
«Ստացված հաղորդագրությունների 90 տոկոսը վստահելի է, այսինքն՝ հայտնի է ուղարկողը, կան լուսանկարներ եւ տեսանյութեր»,- նշեց ընտրախախտումների արձանագրմամբ զբաղվող կայքի համակարգողը՝ ուշադրության արժանի համարելով այն փաստը, որ հատկապես այսօր՝ ընտրության օրը, կտրուկ աճել է ընտրակաշառք բաժանելու մասին ստացված հաղորդումների թիվը:
Ս.Մարտիրոսյանի խոսքով, ընտրախախտումների մասին ամենաշատ բողոքներ են ստացվել Մալաթիա-Սեբաստիա եւ Էրեբունի համայնքներից:
Կարդացեք նաև
Աշոտ ԱԹԱՅԱՆ
