ՀՀ ԿԸՀ աշխատակազմի իրավաբանական վարչության պետ Նունե Հովհաննիսյանը ներկայացրեց քվեարկության օրը ստացված դիմում-բողոքների, ԶԼՄ հաղորդումների եւ դրանց քննարկման արդյունքների վերաբերյալ տեղեկատվություն:
Հովհաննիսյանը տեղեկացրեց, որ մեկ դիմում կա, «Բարեւ Երեւան» դաշինքի վտահված անձ Զարուհի Փոստանջյանի կողմից, որում նշված են վեց ընտրատեղամասեր, նա ներկայացրել է տարբեր փաստական տվյալներ, ինչն էլ ԿԸՀ-ն կքննի:
Այս պահի դրությամբ իրավիճակային վերլուծությունների կենտրոնի կողմից ստուգվել է 90 փաստի վերաբերյալ ստացված տեղեկատվություն:
2/4 տեղամասում ընտրողը հրաժարվել է, որ իր անձնագրում կնիք դրվի, ինչի հետեւանքով չի թույլատրվել քվեաթերթիկը քվեատուփ գցել, այն մարվել է:
Կարդացեք նաև
3/19-ում փորձ է արվել ընտրություն կատարել ուրիշի փոխարեն, դեպքը կանխվել է:
Անահիտ Բախշյանից տեղեկույթ է ստացվել, որ 7/1 եւ 7/13 տեղամասերում զանգահարել են հանձնաժողովի նախագահներին ու ասել, որ հանձնաժողովների մյուս նախագահները գործարքի են գնացել, մնացել է միայն ինքը:
Եվա ՀԱԿՈԲՅԱՆ