Այսօր հանրահավաքից հետո Րաֆֆի Հովհաննիսյանը լրագրողների հետ զրույցում պարզաբանեց, թե ինչի է հրավիրում մյուս քաղաքական ուժերին «Անի» հյուրանոց: Նրա խոսքերով՝ «Մի ամիս առաջ դուք լավ գիտեք, որ այս ժողովրդական պայքարի ոչ թե ավարտին, այլ հանգրվանային կետում տարբեր մեկնաբանություններ եղան, ամենատարբեր քննադատություններ՝ հետադարձ հայացքով վերլուծաբանները հանդես եկան: Հայաստանի ժողովուրդը պատրաս՞տ է իր ճանապարհով գնալ՝ առանց մարգարեների, պայծառատեսների: Առաջնորդներ, ուղեկիցներ պետք են, չեմ ժխտում: Հասել ենք այն խաչմերուկին, որտեղ բոլորս պետք է մտածենք սերնդափոխության մասին: Ես ինձանից եմ սկսում եւ ասում եմ՝ Սերժ Սարգսյան, Ռոբետ Քոչարյան, Գագիկ Ծառուկյան, Հրանտ Մարգարյան, մնացած բոլորը, մենք պետք է պատրաստենք մեր հանրապետությունը նոր սերնդի համար: Ես պատրաստ եմ դրան: Ես հրավիրել եմ հերթական կլոր սեղանը Անի հյուրանոցում եւ հույս ունեմ, որ ովքեր չեն մասնակցում արարողակարգով, գրավոր հրավերի չեն սպասում, իրենք կներկայնան, իրենց տեսակետները կներկայացնեն: Ես կարծոմ եմ, որ ներկա դրությամբ այդ ծրագիրը պետք է իրականացվի հավաքաբար: Եթե այսպես շարունակվի, մենք բոլորս գիտենք, թե քաղաքական դաշտի որ մասում ենք գտնվում, 5 տարի անց ավելի վատ վիճակում ենք գտնվելու, քան այսօր: Ամեն մեկը թող դուրս գա փոխադարձ մեղադրանքներից, բարձր ու ցածր գնահատականներից, եւ այնպես անենք, որ կարողանանք միգուցե ի հեճուկս մեզ այս ազգը դարձնենք պետություն»:
Aravot.am-ը ճշտեց՝ Դուք հրավիրում եք բանակցությունների անգամ ԲՀԿ-ի՞ն, այն դեպքում, երբ ողջ քարոզաշավի ժամանակ քննադատություններ էր լինում ԲՀԿ-ի հասցեին՝ նա պատասխանեց, որ դա բանակցություն չէ. «Հրավիրում եմ բոլոր նրանց, առանց հեղինակային իրավունքի, որոնք կարծում են, որ պետք է այս վիճակից դուրս գալ: Եվ դա վերաբերւմ է բոլորին, անգամ ԲՀԿ-ի հոգեւոր հոր, եւ անգամ գործող, ապօրինի նախկին նախագահ պարոն Սարգսյանին: Բոլորը կարող են գալ»:
Լրագրողների դիտարկմանը, որ այսօր ձեր կուսակցության երկրորդ դեմքը ջերմորեն բարեւում էր Սերժ Սարգսյանին Մայիսի 9-ի միջոցառմանը՝ Րաֆֆի Հովհաննիսյանը պատասխանեց, որ ինքն էլ է ջերմորեն շնորհավորում Սերժ Սարգսյանին, Ռոբերտ Քոչարյանին, Լեւոն Տեր-Պետրոսյանին, ում օրոք ազատագրվեց Շուշին, Ժիրայր Սեֆիլյանին, Կոմանդոսին, Նորիկ Դանիլյանին, Ասկոլկայի ընտանիքին, Սամվել Բաբայանին: Մեր խնդիրն այն է, թե ինչ ենք անելու վաղվա օրը՝ որպես հանրապետություն»:
Կարդացեք նաև
Հռիփսիմե ՋԵԲԵՋՅԱՆ
Մի ճար լիներ էս մարդուն կոնկրետ արգելվեր քաղաքականությամբ զբաղվել / իրականում իրենը քաղաքականություն էլ դժվար է կոչել/ այլևս ու առհասարակ` ելույթներ ունենալ, կոչերով հանդես գալ, լուրջ- լուրջ դեմքով դատարկ հռետորաբանությամբ…
Թող դաշտը թողնի, թող զբաղվեն Ժառանգության մյուս անդամները. իր գործոնը գնալով ավելի է խոչընդոտելու ու վարկաբեկելու էդ կուսակցությունը…
Լավ,ո՞նց կարող են լուրջ մարդիկ գնան ու սրա հետ շփվեն…Քաղաքական խեղկատակությունն էլ չափ ու սահման ունի…
Երևանի կրկեսի շենքը քանդելուց հետո սա իր շրջիկ խմբով անվճար կրկեսային էժանագին ներկայացումներ է տալիս ողջ Հայաստանով մեկ…