Այսօր թանգարանների միջազգային օրն է: Թանգարանների միջազգային օրը և «Թանգարանների գիշեր» միջոցառումներն այս տարի համընկնում են:
Տոնի առթիվ Գաֆէսճեան արվեստի կենտրոնը առավոտյան ժամը 10:00-ից մինչև 24:00 անվճար բացել է իր բոլոր ցուցասրահները: «Առավոտ երիտասարդականի» տեսախցիկը ֆիքսեց հետաքրքիր նմուշներ:
18-ամյա Վարդանը առաջին անգամ է այստեղ, հիացած է, որոշել է, որ արվեստի կենտրոն անպայման կայցելի նաև տարվա մյուս օրերին. «Ինձ դուր եկան և՛ գրքերը, և՛ ցուցադրված կենցաղային իրերը՝ հատկապես ջազվաները, որովհետև դրանք յուրահատուկ ու հետաքրքիր լուծումներ ունեն: Ինձ մոտ մեծ հետաքրքրություն առաջացավ այսպիսի ցուցահանդեսների նկատմամբ»,- ասում է նա: «Երկրորդ տարին եմ գալիս ու մեծ հաճույքով: Արդեն եղել եմ Հովհաննես Թումանյանի և Չարենցի տուն -թանգարաններում: Զբաղվածությանս պատճառով չեմ հասցնում մշակությաին կենտրոններ այցելել, լավ է, որ այսպիսի տոն կա, մարդիկ կարողանում են պլանավորել այն և գոնե մի քանի ժամով բավականություն վայելել»,-ասում է 27-ամյա Սիլվան:
Ի դեպ, տոնը նշվում է 1977 թվականից` Թանգարանների միջազգային խորհրդի նախաձեռնությամբ: Օրվա խորհուրդն է բարձրացնել թանգարանների դերը հասարակության սոցիալ-մշակութային կյանքում, ստեղծել նպաստավոր միջավայր թանգարանային առարկաների հանրահռչակման համար: 2013 թ. Թանգարանների միջազգային օրն անցկացվում է «Թանգարաններ. Հիշողություն + Ստեղծագործականություն = Հասարակական փոփոխություն խորագրի ներքո: Այս համատեքստում, Հայաստանը հանդես է գալու «Թանգարանը որպես ոչ ֆորմալ կրթության միջավայր» կարգախոսով:
Կարդացեք նաև
Նազենի Բաղդասարյան
