Այսօր ԱԺ-ում 2012-ի բյուջեի հաշվետվությունը ներկայացնելիս ԱԺ աշխատակազմի ղեկավար Գուրգեն Դումանյանը նորից կարդաց Գագիկ Ջհանգիրյանի չսիրած նախադասությունը, թե 2 մլրդ դրամից ավելի ծախսել են՝ պատգամավորների պահպանման համար: Գագիկ Ջհանգիրյանը առարկեց. «Անցած տարի պարոն Ջանջուղազյանը խոստացավ, որ դա կփոխվի, որովհետեւ մենք չենք պահպանվում: Աշխատավարձ եք տալիս եւ այլն, բայց մեզ պահպանելը ԱԺ աշխատակազմի կողմից անիմաստ է: Եթե պետական պահպանության ծառայություն լիներ, պաշտպանության մասին կարող էիք խոսել, բայց ԱԺ պատգամավորին պահպանելը ո՞րն է»:
Գուրգեն Դումանյանը արդարացավ՝ «Պարո՛ն Ջհանգիրյան, հոդվածում ըտենց ա»:
«Գիտեմ, գիտեմ»,- պատասխանեց Ջհանգիրյանը:
Այս անգամ եւս խոստացան փոխել այդ արտահայտությունը:
Կարդացեք նաև
Հռիփսիմե ՋԵԲԵՋՅԱՆ
