Հատված Հանրային ծառայությունները կարգավորող հանձնաժողովի նախագահ ՌՈԲԵՐՏ ՆԱԶԱՐՅԱՆի հարցազրույցից
-Սակագների սպասվող փոփոխությունները (էլեկտրաէներգիայի սակագնի բարձրացում 8 դրամով եւ գազի սակագնի ավելացում 24 դրամով) վերջնակա՞ն են, թե՞ դեռ կարող են փոփոխության ենթարկվել։
-Այն թվերը, որ հայտարարել ենք, արտահայտում են հանձնաժողովի աշխատակազմի վերջնական մոտեցումը։ Հանձնաժողովը կլսի հարցը, ամսի 7-ին հանրային լսումներ կիրականացնի եւ կկայացնի իր վերջնական որոշումը։
-Հանրային քննարկումներն ի՞նչ են տալու, ի՞նչ են փոխելու հանձնաժողովի դիրքորոշման մեջ, եթե, ինչպես նշում եք, ձեր մոտեցումները վերջնական են։
Կարդացեք նաև
-Մենք ցանկացած քննարկման ժամանակ բոլոր կողմերի կարծիքը փորձում ենք լսել եւ հաշվի առնել։ Եթե կլինեն հիմնավորված գործնական առաջարկություններ, ապա առնվազն սակագների հաջորդ փոփոխության ժամանակ այդ առաջարկություններն անպայման հաշվի կառնվեն։ Այդ առումով, քննարկումները շատ օգտակար են, մասնավորապես օրենսդրական դաշտի կատարելագործման տեսանկյունից։
-Ձեզ բավարարո՞ւմ են «ՀայՌուսգազարդի» բացատրությունները՝ ինչպե՞ս է պատահում, որ Հայաստան մուտք գործող՝ սահմանում ստացվող երկնագույն վառելիքը բաժանորդին վաճառվում է կրկնակի բարձր գնով։
-Չեն բավարարում, դրա համար էլ մենք շոշափելիորեն՝ մոտ 50 դրամով նվազեցրել ենք «ՀայՌուսգազարդի» կողմից առաջարկվող սակագինը։
-Այնուամենայնիվ փաստն ինքնին արտառոց չէ՞, ձեր կարծիքով։
-Չէի ասի, թե արտառոց է։ Օրինակ, Ֆրանսիայում գազը սահմանի վրա ստացվում է 370 դոլարով, 800 դոլարով, այսինքն՝ կրկնակիից շատ ավելի թանկ, վաճառվում է բնակչությանը
Լ.ՊՈՂՈՍՅԱՆ
Հոդվածն ամբողջությամբ կարող եք կարդալ «Հայոց աշխարհ» թերթի այսօրվա համարում
