Ամերիկայի Արլինգթոն քաղաքում ընթացող «Համաշխարհային փառատոնում» գրոսմայստեր Վարուժան Հակոբյանը (նկարում) վեց տուրից հետո 5,0 միավորով եւս երեք հոգու հետ գլխավորում է մրցաշարային աղյուսակը:
Այսօր ՄԱԷ-ում ավարտվում է «20th Abu Dabi International Chess Festival»-ը: Եզրափակիչ՝ 9-րդ տուրից առաջ, հայաստանցի գրոսմայստեր Ավետիք Գրիգորյանը վաստակել է 5,5 միավոր եւ բաժանում է 3-8-րդ հորիզոնականները: Այսօր նա սեւերով խաղում է հնդիկ գրոսմայստեր Սուրի Վայբհավի հետ: Մեր երկրորդ մասնակիցը՝ գրոսմայստեր Լիլիթ Գալոյանը, 3,5 միավորով 32-րդ տեղում է:
Իսպանիայի Բենասկե քաղաքում ընթացող շախմատային փառատոնի երրորդ տուրից հետո Հայաստանի միակ ներկայացուցիչը՝ գրոսմայստեր Կարեն Մովսիսյանը, ցույց է տվել հարյուր տոկոսանոց արդյունք եւ 30 առաջատարների մեջ է:
Բարբերա-դել-Վալյեսում (Իսպանիա) մեկնարկած միջազգային մրցաշարում Կարեն Գրիգորյանը երեք տուրից հետո ունի 2,5 միավոր, Հովիկ Հայրապետյանը՝ 2,0, Մարկ Բասենցյանը՝ 1,0:
Կարդացեք նաև
Աշոտ ՀԱԿՈԲՅԱՆ